ఓటు హక్కు ద్వారా ప్రజాస్వామ్య పవిత్రతను కాపాడాలి

మేలుకొ  మిత్రమా  మేలుకొ .......
మూగబోయి  మనుషుల  మదిలో  నిడురబోతున్న  న్యాయాన్ని ...
సవ్యంగా  సాగని  ఈ  రాజకీయ సమాజాన్ని  నీ  ఓటు తో  జాగృతం   చెయ్యు ......
ఈ  ఎన్నికల సంగ్రామం సాక్షిగా  అన్యాయాన్ని  అరికడతానని అనుకో  .....
నడుం బిగించు  మిత్రమా   ...........
మౌనంగా  ఉన్న  మంచివాడికి , అన్యాయంతో  అరాచకాన్ని  సృష్టించే  ఆవలివాడికి
ప్రజాస్వామ్యంలో రాజకీయ చిత్రపటాన్ని దేశ అభివృద్ధి రూపురేఖలను మార్చగల ఒక బలమైన ఆయుధం ఓటు

మరువబోకు  మిత్రమా మరువబోకు ...........
మనకు ఓటు ఉన్నది మార్పు కోసమే , ఆ  మార్పుతో మంచివారిని ఎన్నుకోవడం కోసమే ...
ఆపకు  మిత్రమా  ఆపకు ........
నీ  ఓటు నీకు ఒక ఆయుధం , మంచి పాలకులు రావటానికి నీ ఓటు అనే ఆయుధాన్ని ప్రయోగించు  ....
నీ  హృదయాంతరాల్లో  నిలిచిపోయిన సమాజాన్ని  నూతనంగా  ఆ  నలుగురికి  అందించు .
నయనాల  వరకు  అన్యయంతో  నిండిపోయి , నిడురబోతున్న  ఈ గుడ్డి  సమాజాన్ని ,
కాపాడుకో  మిత్రమా  కాపాడుకో  ...................
న్యాయం  కోసం  కొన  ఊపిరితో  కొట్టుకుంటున్న  ఈ  కుళ్ళు  సమాజాన్ని ,
మార్చుకో   మిత్రమా  మార్చుకో ...............
న్యాయంతో  కూడిన  నవ్య  నవ  సమాజ  నిర్మాణం  కోసం ......