పొత్తపు గుడి

పుస్తకపఠనం... విజ్ఞాన సోపానం ఏప్రిల్ ‌ 23 ‘ ప్రపంచ పుస్తక మరియు కాపీరైట్స్ ‌ ’ దినోత్సవాన్ని పురస్కరించుకొని ‘ పుస్తకం ’ విలువను చాటిచెప్పే చిన్న ప్రయత్నం ... ఆస్తులు కరిగిపోవచ్చు , ధనం దొంగలపాలు కావచ్చు , అనుబంధాలు చెరిగిపోవచ్చు... కానీ , విజ్ఞానం అలా కాదు... ఒక్కసారి విజ్ఞానాన్ని అందిపుచ్చుకుంటే... తనువు అంతమయ్యేవరకు అది జీవితాన్ని ముందుకు నడిపిస్తూనే ఉంటుంది. అంతేకాదు... చోరులకు దొరకనిది , అగ్నికి అంటనిది , నీట మునికి కనుమరుగు కానిది విజ్ఞానం ఒక్కటే... అంతటి మహోన్నత విజ్ఞానాన్ని పళ్లెంలో పెట్టి అందించేదే ‘ పుస్తకం ’... పుస్తకం హస్తభూషణం అంటారు పెద్దలు... సాంకేతిక పరిజ్ఞానం పెరిగిపోయిన నేటి సమాజంలో పుస్తకాన్ని ఎంతమంది చదువుతున్నారు ? అరచేతిలో అమరిపోయే సెల్‌ఫోన్‌లో కూడా అక్షరాలు చక్కర్లు కొడుతుంటే... ఇక పుస్తకాల మాటేమిటి ? పుస్తకం విలువను భవిష్యత్తు తరాలకు అందించే భాద్యత మనకు లేదా ? పిల్లల్లో పుస్తక పఠానాసక్తి నానాటికీ తరిగిపోతోంది. ఎంతసేపూ కంప్యూటర్లతో కుస్తీ పట్టే పిల్లలు , యువతీయువకులు పుస్తకాన్ని మరిచిపోతున్నారు... విజ్ఞానఖనిని ర్యాక్‌లకే పరిమితం చేస్తున్నా...